ಕೋಲ್ಯ ಮತ್ತು ತಿಮ್ಮ

1

ಕೋಲ್ಯ ಸಂಸ್ಕೃತ ವಿದ್ವಾಂಸರೊಬ್ಬರ ಬಳಿ ಹೋಗುತ್ತಾನೆ.
ಕೋಲ್ಯ   : ನನಗೆ ಸಂಸ್ಕೃತ ಕಲಿಸಿ ಗುರುಗಳೇ...
ವಿದ್ವಾಂಸ: ಯಾಕೆ?
ಕೋಲ್ಯ   : ಅದು ದೇವತೆಗಳ ಭಾಷೆಯಂತೆ. ಸ್ವರ್ಗಕ್ಕೆ ಹೋದರೆ    
                ಉಪಯೋಗಕ್ಕೆ ಬರುತ್ತೇ ಅಂತ...

ವಿದ್ವಾಂಸ: ನರಕಕ್ಕೆ ಹೋದರೆ?

ಕೋಲ್ಯ   : ಕನ್ನಡ ಸಿನೆಮಾಗಳನ್ನ ನೋಡಿ "ಬೈಗುಳಗಳ ಡಿಪ್ಲೊಮಾ"   

                 ಮಾಡಿದೀನಿ!

  2 

ಕೋಲ್ಯ ತಿಮ್ಮನ ಮೇಲೆ ಭಯಂಕರ ಕೋಪಿಸಿಕೊಂಡಿದ್ದ.

ಕೋಲ್ಯ: ಲೇ ನಾನು ನಿನಗೆ ಪತ್ರ ಬರೆದಿದ್ದೆ ತಾನೆ. 

               ನನ್ನ ಮದುವೆಗೆ ಬರಲೇ ಬೇಕು ಅಂತ.

ತಿಮ್ಮ   : ಕೋಲ್ಯ, ನಿನ್ನ ಪತ್ರ ನನಗೆ ತಲುಪಲೇ ಇಲ್ವಲ್ಲೋ?

ಕೋಲ್ಯ: ಹೋಗಾ ನಿನ್ನ...ಪತ್ರ ತಲುಪಲಿ, ತಲುಪದೇ ಇರಲಿ..

       ಮದುವೆಗೆ ಮಾತ್ರ ಬರಲೇ ಬೇಕು ಅಂತ ಪತ್ರದ ಕೆಳಗೆ ಬರೆದಿದ್ದೆ ತಾನೆ?