ಪರದಾಟ

• ಪರ ಊರಿಗೆ ಹೋದಾಗ ಪಡುವ ಸಂಕಟ    

• ಪರ ಪರ ಎಂದು ಕೆರೆದುಕೊಳ್ಳಬೇಕೆನಿಸುವಂಥ ಅವಸ್ಥೆ    

• ಪ್ರಮುಖರೆಲ್ಲ ಔಟಾಗಿ ಪರಾಜಯಕ್ಕೆ ಹತ್ತಿರವಾಗುತ್ತಿದ್ದಂತೆ ಆಟ ಗೆಲ್ಲಲೇಬೇಕೆಂದು ಪಡುವ ಪ್ರಯತ್ನ    

• ಹೆಣಭಾರದ ವಸ್ತುಗಳನ್ನು ಹೊತ್ತು ಸಾಗಿಸುವಾಗಿನ ಹೆಣಗುವಿಕೆ    

• ಪರದೆಯ ಹಿಂದೆ ಶ್ರಮ ಪಡುವವರ ಕಷ್ಟ    

• ಜೀವನವೆಂಬ ಆಟದ ಮೈದಾನದಲ್ಲಿ ಭಗವಂತ ಆಡಿಸುವ ಆಟ    

• ಅತ್ತ ದರಿ, ಇತ್ತ ನಾರಿ ಎಂಬಂಥ ಸ್ಥಿತಿಯಲ್ಲಿ ಆಯ್ಕೆಗಾಗಿನ ಕಸರತ್ತು   

•  ಗಟ್ಟಿ ಪರೋಟ ಕೊಟ್ಟಾಗ ತಿನ್ನಲೂ ಆಗದ ಬಿಡಲೂ ಆಗದ ಸ್ಥಿತಿ    

• ನಗರ ವಾಸಿಗಳ ದಿನಚರಿಯ ಸಾಮಾನ್ಯ ಅಂಶ    

• ಬಿಡುವ ಹಾಗೂ ಇಲ್ಲ, ತೊಡುವ ಹಾಗೂ ಇಲ್ಲ. ಆಗ ಪರದಾಡುವುದೊಂದೇ ದಾರಿ    

• ಈ ಆಟ ಡ್ರಾನಲ್ಲಿ ಕೊನೆಗೊಳ್ಳುವುದೇ ಹೆಚ್ಚು    

• ಒಂದು ದಿನವೂ ಸುಖಪಡದ ರೈತನ ನಿತ್ಯ ಹಳವಂಡ    

• ಹೊತ್ತು ಹೊತ್ತಿನ ಊಟಕ್ಕಾಗಿ ಪುರುಸೊತ್ತಿಲ್ಲದೇ ಆಡುವ ಒತ್ತಾಯದ ಆಟ-ವಿಶ್ವನಾಥ ಸುಂಕಸಾಳ