ಗಣೇಶ ಹಬ್ಬದ ಆಚರಣೆ ಹಿನ್ನೆಲೆ (ಅಂದು ಮತ್ತು ಇಂದು)

ಗಣೇಶ ಚತುರ್ಥಿ ಆಚರಣೆಯ ಹಿಂದೆ ಧಾರ್ಮಿಕ ಮತ್ತು ಐತಿಹಾಸಿಕವಾಗಿ ಎರಡು ಮುಖ್ಯ ಹಿನ್ನೆಲೆಗಳಿವೆ:

ಅಂದಿನ ಹಿನ್ನೆಲೆ

(ಧಾರ್ಮಿಕ ಮತ್ತು ಐತಿಹಾಸಿಕ ಪ್ರಸ್ತುತತೆ)

ಧಾರ್ಮಿಕ ಐತಿಹ್ಯ: ಪಾರ್ವತಿ ದೇವಿಯು ತನ್ನ ದೇಹದ ಶ್ರೀಗಂಧದ ಲೇಪನದಿಂದ ಗಣೇಶನನ್ನು ಸೃಷ್ಟಿಸಿ, ದ್ವಾರಪಾಲಕನಾಗಿ ನಿಲ್ಲಿಸಿದಳು. ಶಿವನು ಗಣೇಶನ ಶಿರಚ್ಛೇದ ಮಾಡಿದ ನಂತರ ಆನೆ ಶಿರವನ್ನು ಜೋಡಿಸಿ ಮರುಜೀವ ನೀಡಿದ ದಿನವನ್ನು ಗಣೇಶ ಚತುರ್ಥಿಯಾಗಿ ಆಚರಿಸಲಾಗುತ್ತದೆ.

ಸ್ವಾತಂತ್ರ್ಯ ಸಂಗ್ರಾಮ ಮತ್ತು ಲೋಕಮಾನ್ಯ ತಿಲಕ್: 1893 ರಲ್ಲಿ ಲೋಕಮಾನ್ಯ ಬಾಲಗಂಗಾಧರ ತಿಲಕರು ಮನೆಗಷ್ಟೇ ಸೀಮಿತವಾಗಿದ್ದ ಗಣೇಶೋತ್ಸವವನ್ನು ಸಾರ್ವಜನಿಕ ಗಣೇಶೋತ್ಸವವಾಗಿ ಪರಿವರ್ತಿಸಿದರು. ಬ್ರಿಟಿಷರ ವಿರುದ್ಧ ಭಾರತೀಯರನ್ನು ಸಂಘಟಿಸಲು, ಸಾಮಾಜಿಕ ಏಕತೆ ತರಲು ಮತ್ತು ದೇಶಭಕ್ತಿ ಮೂಡಿಸಲು ಇದನ್ನು ವೇದಿಕೆಯಾಗಿ ಬಳಸಲಾಯಿತು.

---

ಇಂದಿನ ಹಿನ್ನೆಲೆ

(ಆಧುನಿಕ ಆಚರಣೆ ಮತ್ತು ಬದಲಾವಣೆಗಳು)

ಸಾಮಾಜಿಕ ಸಂಘಟನೆ ಹಾಗೂ ಸಾಂಸ್ಕೃತಿಕ ವೇದಿಕೆ: ಇಂದಿನ ದಿನಗಳಲ್ಲಿ ಗಣೇಶೋತ್ಸವವು ಸಮಾಜದ ವಿವಿಧ ವರ್ಗದ ಜನರನ್ನು ಒಂದೆಡೆ ಸೇರಿಸುವ ದೊಡ್ಡ ಹಬ್ಬವಾಗಿದೆ. ಮಂಟಪಗಳಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳು, ರಕ್ತದಾನ ಶಿಬಿರಗಳು ಹಾಗೂ ದಾನ - ಧರ್ಮದ ಚಟುವಟಿಕೆಗಳು ನಡೆಯುತ್ತವೆ.

ಪರಿಸರ ಜಾಗೃತಿ (Eco-Friendly Ganesha): ಪಿಒಪಿ (Plaster of Paris) ಮೂರ್ತಿಗಳಿಂದ ನೀರು ಕಲುಷಿತ ಸಮಸ್ಯೆಯನ್ನು ತಡೆಯಲು, ಇತ್ತೀಚಿನ ವರ್ಷಗಳಲ್ಲಿ ಮಣ್ಣಿನ ಗಣಪತಿ ಮತ್ತು ಬೀಜ ಗಣಪತಿ (Seed Ganesha) ಬಳಕೆ ಹೆಚ್ಚಾಗಿದೆ.

ತಂತ್ರಜ್ಞಾನ ಮತ್ತು ಅದ್ದೂರಿ ಆಚರಣೆ: ಥೀಮ್ ಆಧಾರಿತ ವಿಶಾಲ ಮಂಟಪಗಳು, ಡಿಜಿಟಲ್ ಲೈಟಿಂಗ್ಸ್, ಡಿಜೆ / ನಾಸಿಕ್ ಡೋಲ್ ಮತ್ತು ಸೋಶಿಯಲ್ ಮೀಡಿಯಾ ಮೂಲಕ ಆಚರಣೆಗಳನ್ನು ಜಾಗತಿಕ ಮಟ್ಟದಲ್ಲಿ ತಲುಪಿಸುವ ಟ್ರೆಂಡ್ ಬೆಳೆದಿದೆ ಹಾಗೂ ಕೆಲವು ದೋಷಗವೆಂಬಂತೆ ಕೆಲವು ಕಿಡಿಗೆಡಿಗಳಿಗೆ ಇದು ತಮ್ಮ ಸ್ವಾರ್ಥ ಹಾಗೂ ಹಣ ಗಳಿಸುವ ಸುಲಭ ಉಪಾಯವಾಗಿದೆ.

---

ಗಣೇಶನ ಮಹಿಮೆಯನ್ನು ಕೊಂಡಾಡುವ ಮತ್ತು ಕನ್ನಡದ ಕಾಗುಣಿತದ 'ಗ' ಗುಣಿತಾಕ್ಷರ ಕವನ 

( ಉದಾ: ಗ, ಗಾ, ಗಿ, ಗೀ... ) ಇಲ್ಲಿದೆ: 

============================================================

ಗಣನಾಥನೆ ನಿನ್ನ ಚರಣಕೆ ಶರಣು,

ಗಾಢದ ಕತ್ತಲೆ ಕಳೆಯುವ ಗುರು ಕಣು.

ಗಿರಿಜೆಯ ಮಗನೇ ಜ್ಞಾನದ ನಿಧಿಯೇ,

ಗೀತೆಯ ಸಾರವ ಕಲಿಸುವ ವಿಧಿಯೇ.

ಗುಣಗಳ ಸಾಕಾರ ಮೋದಕ ಪ್ರಿಯನೇ,

ಗೂಡಿನ ಭಕ್ತರ ಕಾಯುವ ದೇವನೇ.

ಗೃಹದಲಿ ನೆಮ್ಮದಿ ತರುವ ಭಗವಂತ,

ಗೆಲುವನು ನೀಡೋ ಕರುಣಾ ಅನಂತ.

ಗೇಲಿ ಸಮಾಜವ ಗೆದ್ದ ಮಹೇಶ,

ಗೈಯುವ ಪೂಜೆಗೆ ಒಲಿವ ಗಣೇಶ.

ಗೊತ್ತಿರದ ತಪ್ಪುಗಳ ಮನ್ನಿಸೊ ದೊರೆಯೇ,

ಗೋಪುರ ದೀಪದ ಜ್ಞಾನದ ಸಿರಿಯೇ.

ಗೌರಿಯ ಪುತ್ರನೆ ವಿಘ್ನ ನಿವಾರಕ,

ಗಂಗೆಯ ತಟದಲಿ ನಿಂತ ಉದ್ಧಾರಕ,

ಗಃ ಎಂದು ಮೊಳಗಲಿ ಭಕ್ತಿಯ ಸ್ಮರಣಕ.

    ಹಿಂದೂ ಸಂಪ್ರದಾಯದ ಪ್ರಕಾರ, ಗಣೇಶ ಚತುರ್ಥಿ ಹಬ್ಬದ ದಿನದಿಂದ (ಸೆಪ್ಟೆಂಬರ್ 14, 2026) ಆರಂಭಿಸಿ ಅವರವರ ಮನೆಯ ಅಥವಾ ಸಾರ್ವಜನಿಕ ಮಂಡಳಿಗಳ ವಾಡಿಕೆಯಂತೆ ಬೇರೆ ಬೇರೆ ದಿನಗಳಲ್ಲಿ ಗಣೇಶನ ಮೂರ್ತಿಯನ್ನು ವಿಸರ್ಜನೆ ಮಾಡಲಾಗುತ್ತದೆ. 

🗓️ 2026 ರ ಗಣೇಶ ವಿಸರ್ಜನೆ ದಿನಾಂಕಗಳ ಪಟ್ಟಿ

ಒಂದೂವರೆ ದಿನದ ವಿಸರ್ಜನೆ (1.5 Days): ಸೆಪ್ಟೆಂಬರ್ 15, 2026 (ಮಂಗಳವಾರ),
3 ನೇ ದಿನದ ವಿಸರ್ಜನೆ (3rd Day): ಸೆಪ್ಟೆಂಬರ್ 16, 2026 (ಬುಧವಾರ),
5 ನೇ ದಿನದ ವಿಸರ್ಜನೆ (5th Day): ಸೆಪ್ಟೆಂಬರ್ 18, 2026 (ಶುಕ್ರವಾರ),
ಗೌರಿ ವಿಸರ್ಜನೆ (Gauri Visarjan): ಸೆಪ್ಟೆಂಬರ್ 19, 2026 (ಶನಿವಾರ),
7 ನೇ ದಿನದ ವಿಸರ್ಜನೆ (7th Day): ಸೆಪ್ಟೆಂಬರ್ 20, 2026 (ಭಾನುವಾರ),
ಅನಂತ ಚತುರ್ದಶಿ ಮಹಾ ವಿಸರ್ಜನೆ (10ನೇ ದಿನ): ಸೆಪ್ಟೆಂಬರ್ 25, 2026 (ಶುಕ್ರವಾರ) ದಂದು ಅದ್ದೂರಿಯಾಗಿ ಮಹಾ ವಿಸರ್ಜನೆಯನ್ನು ನೆರವೇರಿಸಲಾಗುತ್ತದೆ. 

█▓▒░⯮ ಕೃಪೆ: 🙶ಮಾದ್ಯಮಗಳು🙷 ░▒▓█

ಕ ಯಿಂದ ಕಂ ವರೆಗೆ ಗುಣಿತಾಕ್ಷರದಲ್ಲಿ ಶ್ರೀ ಕೃಷ್ಣನ ಕವನ

ಎಲ್ಲರಿಗೂ ಶ್ರೀ ಕೃಷ್ಣ ಜಯಂತಿಯ ಶುಭಾಷಯಗಳು

ಕಪ್ಪು ಬಣ್ಣದ ಕಾಳಿಂಗನ

 ಕಾಲಲ್ಲಿ ಮೆಟ್ಟಿದವನು

 ಕಿಡಿ ಕಾರುವ ದೃಷ್ಠಿಗೆ ಬೀಳದೆ

 ಕೀಟಲೇ ಮಾಡುತ್ತಾ ನೆತ್ತಿಮೇಲೆ

 ಕುಣಿದು ನಲಿಯುತ್ತಲಿದ್ದ

 ಕೂಗಿ ಕರೆದರು ಶ್ರೀ

 ಕೃಷ್ಣನಿಗೆ ಕೇಳಲಿಲ್ಲ

 ಕೆ೦ಪು ಕಣ್ಣು ಬಿಟ್ಟು ಬುಸುಗುಟ್ಟುವ ಕಾಳಿಂಗ ನೋಡಿ

 ಕೇಶವನಿಗೆ ಆನಂದ ತನ್ನ

 ಕೈಲಿ ಸಾಯುವವನ ಹೆಸರಿದೆ ಎಂದ ಅವನ

 ಕೊಳಲಿನ ನಾದಕ್ಕೆ ಮಾರು ಹೋಗದವರಿಲ್ಲ

 ಕೋಪ ಬಂದ ಕೃಷ್ಣನ ಕಂಡವರಿಲ್ಲ

 ಕೌತುಕ ತೋರಿದ ಜಗಕ್ಕೆಲ್ಲ ನೂರು ತಪ್ಪು ಮನ್ನಿಸಿ

 ಕಂಸ ಕೊಂದ ಜಗದೋದ್ದಾರಕ ಶ್ರೀಕೃಷ್ಣ

 

█▓▒▒░░░⮊ ಕೃಪೆ: 🙶 ರಾಜೇಶ್ವರಿಶ್ರೀಧರ್ (ಚಿತ್ರದುರ್ಗ) 🙷 ⮈░░░▒▒▓█

ಎಲ್ಲರಿಗೂ ಶ್ರೀ ಕೃಷ್ಣ ಜಯಂತಿಯ ಶುಭಾಷಯಗಳು

ತಾಯಿ ಹೃದಯ (ಕ-ಕಂ)

ಕ - ಕನಸೊಂದು ಹೊತ್ತು ಬಂದಿಹುದು ಕೂಸು

ಕಾ - ಕಾಣಿಸಿತು ನನಸಾಗಿಸೋ ತಾಯಿ ಮನಸ್ಸು

ಕಿ - ಕಿಲ ಕಿಲ ಎಂದು ನಗುತಿರಲು

ಕೀ - ಕೀಟಲೆಗೆ ತಾಯಿ ಹೃದಯ ನಲಿದಿರಲು

ಕು - ಕುಹೂ ಕುಹೂ ಕೋಗಿಲೆಯ ನಾದಕ್ಕೆ

ಕೂ - ಕೂಗುತಿದೆ ಮಗುವಿನ ಹೃದಯ ನಾದ

ಕೃ - ಕೃತಜ್ಞತೆಯ ಮಾತುಗಳು ಹೊರಬರಲು

ಕೆ - ಕೆಂಪಾದ ಕೆನ್ನೆಯ ಮುತ್ತಿಕ್ಕಿದಳು ಮಹಾತಾಯಿ

ಕೇ - ಕೇಳಿಸಿತು ಹಸುಗೂಸಿಗೆ ಒಡಲಾಳದ ಮಾತು

ಕೈ - ಕೈಚಾಚಿದ ತಾಯಿ ಮಗುವಿಗೆ ಕರೆದಿರಲು

ಕೊ - ಕೊರತೆಯೊಂದೆ ಮಗುವಿಗೆ ಓಡಾಡುವ ಹಂಬಲ

ಕೋ - ಕೋಣೆಯ ಗೋಡೆಗಳು ಸಹಕರಿಸಲು ಕೊನೆಗೆ

ಕೌ - ಕೌತುಕದ ಮಗು ಮನಸ್ಸು ನಡೆದಾಡುತಿರಲು

ಕಂ - ಕಂದ ಎಂದು ಬಂದು ತಾಯಿ ಬಿಗಿದಪ್ಪಿಕೊಂಡಳು. 

ಈ ಕವಿತೆಯನ್ನು ಬರೆದ ಮೂಲ ಲೇಖಕರ ನಿಖರವಾದ ಹೆಸರು ಚಿತ್ರದಲ್ಲಿ ಉಲ್ಲೇಖವಾಗಿಲ್ಲ. ಇದು ಕನ್ನಡದ ಗುಣಿತಾಕ್ಷರಗಳ (ಕ, ಕಾ, ಕಿ, ಕೀ...) ಮಾದರಿಯನ್ನು ಬಳಸಿ ತಾಯಿಯ ಪ್ರೀತಿಯನ್ನು ವರ್ಣಿಸಲು ಸಾಮಾಜಿಕ ಜಾಲತಾಣಗಳಲ್ಲಿ (Social Media) ಯಾರೋ ಒಬ್ಬರು ರಚಿಸಿರುವ ಒಂದು ಸುಂದರವಾದ ಅನಾಮಧೇಯ (Anonymous) ಭಾವಗೀತೆ ಅಥವಾ ವಾಟ್ಸಾಪ್ ಕವನವಾಗಿದೆ. ಇಂತಹ ಕಾವ್ಯಗಳನ್ನು ಭಾಷಾ ಕಲಿಕೆ ಮತ್ತು ತಾಯಿಯ ಮಮತೆಯನ್ನು ಕೊಂಡಾಡಲು ಇಂಟರ್ನೆಟ್‌ನಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತದೆ.

ಅ-ಅಃ & ಕ-ಕ್ಷ ದ ವರೆಗಿನ ಅಕ್ಷರ ರಾಮಾಯಣ (Great Ramayana)

ಅಯೋಧ್ಯೆಯರಸನು ದಶರಥನು

ಆತ್ಮಜರು ಬೇಕೆಂಬ ಬಯಕೆಯ ಹೊತ್ತಿಹನು

ಇಷ್ಟಿಯಮಾಡಿದ ಜಗಮೆಚ್ಚಿದ ರೀತಿಯಲಿ

ಈಶ್ವರ ಕೃಪೆಯಲಿ ದೊರೆಯಿತು ಪಾಯಸವು

ಉದಾತ್ತ ದೊರೆಯಿತ್ತನು ಮೂವರು ಸತಿಯರಿಗೆ

ಊಟವ ಮಾಡಲು ಪಡೆದರು ನಾಲ್ವರನು

ಋಷಿವರ ವಿಶ್ವಾಮಿತ್ರರು ಕೇಳಿದರು ಕಳಿಸು

ೠಕ್ಷ ಜನರನು ಶಿಕ್ಷಿಸಲು ರಾಮನನು

ಎಸುಳೆಗಳೊಂದಿಗೆ ದಂಡಕಾರಣ್ಯಕೆ

ಏಳಿಗೆ ಋಷಿಜನಕೆಂದು ಜತೆಯಲಿ ಲಕ್ಷ್ಮಣನು
ಒಮ್ಮೆಲೆ ಖರದೂಷಣರ ಬಡಿದು ಜನಕಪುರಕೆ

ಓಲಗದಲಿ ರಾಮನು ಶಿವಧನುವ ಮುರಿದು

ಔತ್ಸುಕತೆಯಲಿ ಸೀತಾಮಾಲೆಗೆ ಕೊರಳೊಡ್ಡಿ

ಅಂಬಾ ಸೀತಾ ಸ್ವಯಂವರ ಸಂಭ್ರಮವು

ಅಃ ಅಃ ಶ್ರೀರಾಮ ಸೀತಾ ವಿವಾಹ ವೈಭವವು


ಕಟುವರ ಬೇಡಿದಳು ಕೈಕೇಯಿ ದಶರಥನ

ಖತಿಗೊಳ್ಳದೆ ಸೀತಾಲಕ್ಷ್ಮಣರೊಡನೆ

ಗಮನ ಕಾನನಕೆ ಉಟ್ಟು ನಾರುಮಡಿ

ಘಟಸಂಭವನಿತ್ತನು ಹರಿಚಾಪವನು

ಙ ಙ ಅನ್ನುತ ಪ್ರಾಣಿಗಳೊಡನಾಡಿದಳು ಸೀತೆ


ಚಳಿಗಾಳಿ ಉರಿಬಿಸಿಲ ಸಹಿಸುತ ರಾಘವನು

ಛವಿಗುಂದದೆ ಕಾಡಲಿ ಕಾಲವ ಕಳೆಯುತಲಿರಲು

ಜಯಜಯ ರಾಘವ ಎನ್ನುತ ಭರತನು ಬಂದು

ಝಗಮಗಿಸುವ ರಾಮಪಾದುಕೆಗಳ ಪಡೆಯಲು

ಜ್ಞಾನಿವರೇಣ್ಯ ರಘುಕುಲತಿಲಕ ತಮ್ಮನ ತಬ್ಬಿದನು

ಟವುಳಿಯಾಡದೆ ರಾಜ್ಯವ ನೀಯುವೆನು

ಠಕ್ಕೆಯ ಹಾರಿಸುವೆ ಎನೆ ರಾಮನು ಖಂಡಿಸಿದ

ಡನಿಯುಳಿಯಲು ಪಾದುಕೆಗಳ ಕೈಗೊಂಡು

ಢಕ್ಕೆಯ ಬಾರಿಸುವನೆ ಭರತನು

ಣ ಣ ಣಣ ಶಬ್ದವು ಎಲ್ಲೆಡೆ ಕೇಳಿಸಿತು


ತರುಣಿಯ ಮಾತನು ಲೆಕ್ಕಿಸಿ ರಾಘವ

ಥಳಥಳಿಪ ಜಿಂಕೆಯ ಹಿಂದೋಡಿದನು

ದನಿರಾಮದೆನುತ ಅತ್ತ ತೆರಳಿದ ಲಕ್ಷ್ಮಣನು

ಧಣಿಗಳಾಶ್ರಮ ಸೇರುವ ಮೊದಲೆ

ನಲ್ಲೆಯನಪಹರಿಸಿದ ದಶಶಿರ ರಾವಣನು


ಪತ್ನಿಯ ಕದ್ದ ಲಂಕಾಪತಿ ಕೊಂದು ಸೀತಾ

ಫಲ ಪಡೆಯಲು ಸುಗ್ರೀವ ಗೆಳೆತನ ರಾಮನಿಗೆ

ಬಲಿಷ್ಟ ಜಟಾಯುವಿಂದ ಉಪಕೃತ ರಾಘವ

ಭವಭಾದೆಯ ಕಳೆಯಲು ಹರಸಿದನು

ಮರ್ಕಟವೀರ ಹನುಮನ ಮೈತ್ರಿಯ ಬೆಳೆಸಿದನು


ಯಮಪುರಿಗಟ್ಟಿದ ರಾಮನು ವಾಲಿಯನು

ರಮಣೀಯ ವಾರ್ತೆ ತಂದನು ಮಾರುತಿಯು

ಲವಣಾಂಬುಧಿಗೈ ತಂದರು ವಾನರರು

ವತ್ಸಲನಾಶ್ರಯವಿತ್ತು ವಿಭೀಷಣನಿಗೆ

ಶರಧಿಯ ದಾಟಿ ಯುದ್ದವ ಹೂಡಿದರು

ಷಡ್ಗುಣ ಸಹಿತನು ರಾವಣನ ಕೊಂದು

ಸತಿಯೊಡಗೂಡಿ ಅಯೋಧ್ಯೆಗೆ ಹೊರಡಲು

ಹನುಮನು ಭರತಗೆ ವಿಷಯವ ತಿಳುಹಿದನು

ಳಕ್ಷ್ಮೀವಲ್ಲಭನು ಚಂದದಿ ರಾಜ್ಯವನಾಳಿದನು

ಕ್ಷಮಾಪೂರ್ಣ ರಾಮಚಂದ್ರನು ಎಲ್ಲರನ್ನೂ ಕಾಪಾಡಲಿ...



(ಇಷ್ಟು ಸುಂದರವಾದ "ಅಕ್ಷರ ರಾಮಾಯಣ"ವನ್ನು ರಚಿಸಿದ ಕವಿ ಅಜ್ಞಾತ (ಸಂಗ್ರಹ ಲೇಖನ). ಕವಿಗೆ ಗೌರವ ಪೂರ್ವಕ ನಮಸ್ಕಾರಗಳು. ನಿಮಗೆ ಗೊತ್ತಿದ್ದರೆ ತಿಳಿಸಿ. ೧೯೫೮-೫೯ರ ಪತ್ರಿಕೆಯಿಂದ ಸಂಗ್ರಹ)

ಅ-ಅಃ (ತುಂಟ ಪುಟ್ಟನ ಪ್ರಶ್ನೆಗಳು)

ಅರಸನು ಆನೆಯ ಏರಿದ್ದೇಕೆ?
ಇಲಿಯೂ ಈಗಲೇ ಓಡಿದ್ದೇಕೆ?
ಉಡವು ಊರಿಗೆ ಹೊರಟದ್ದೇಕೆ?
ಋಷಿಯು ಎತ್ತಲೋ ತಿರುಗಿದ್ದೇಕೆ?
ಏಡಿಯು ಐವರ ಕಡಿದದ್ದೇಕೆ?
ಒಡನೆಯೆ ಓತಿಯ ಹಿಡಿದದ್ದೇಕೆ?
ಔತಣ ಅಂತ ಅಂದದ್ದೇಕೆ?
ಅಃ ಅಹಹಾ ಅಂತ ನಕ್ಕಿದ್ದೇಕೆ?
ಹೇಳೋ ಅಣ್ಣ, ಬೇಗನೇ ಹೇಳೋ..

ಕಪಿಯು ಖಜೂರ ತಿಂದಿದ್ದೇಕೆ?
ಗಣಗಣ ಘಂಟೆ ಬಾರಿಸಿತೇಕೆ?

ಚಂದಿರ ಛತ್ರಿಯ ತರಲಿಲ್ಲೇಕೆ?
ಜಲಜ ಝರಿಯೆಡೆ ಹೋಗಿದ್ದೇಕೆ?

ಟಗರು ಠಕ್ಕನ ಗುದ್ದಿದ್ದೇಕೆ?
ಡಮರು ಢಮ ಢಮ ಕುಣಿದ್ದೇಕೆ?

ತಮಟೆಯ ಥರ ಥರ ನಡುಗಿದ್ದೇಕೆ?
ದಮಡಿಯು ಧಬ್ ಧಬ್ ಬಡಿದದ್ದೇಕೆ?
ನಳ್ಳಿಯು ಪರಮನ ಕರೆದದ್ದೇಕೆ?

ಫಲವನು ಬಡಿಸಲು ಹುಡುಕಿದ್ದೇಕೆ?
ಭರ್ಜರಿ ಮರವನು ಹತ್ತಿದ್ದೇಕೆ?

ಯಮಳನ ರಮಿಸಲು ಹೋದದ್ದೇಕೆ?
ಲಂಕಿಣಿ ವಧಿಸದೇ ಶಪಿಸಿದ್ದೇಕೆ?
ಷಡ್ಭುಜ ಸಮತಟ್ಟು ಮಾಡಿದ್ದೇಕೆ?
ಹದ್ದಿಗೆ ಹಪ್ಪಳದ ಭೋಜನವೇಕೆ?
ಕ್ಷಮೆಯದು ಜ್ಞಾನಿಗೆ ಇರಲೇಬೇಕೆ?

ಹೇಳೋ ಅಣ್ಣ, ಬೇಗನೇ ಹೇಳೋ..
ಅಕ್ಷರ ಮಾಲೆಗೆ ಪ್ರಶ್ನೆಯ ಹಾರ
ಜಾಣ ಪುಟ್ಟನಿಗೆ ಬೇಕೇ ಉತ್ತರ?

- ಶ್ರೀ ಬೇಂದ್ರೆ ಮಂಜುನಾಥ, ಹಾಸನ (02/11/2013, ವಿಜಯವಾಣಿ)

ಅ-ಅಃ (ಅ ಆ ಇ ಈ ಕಲಿಯೋಣ)

ಅ ಆ ಇ ಈ ಬರೆಯೋಣ
ಅಮ್ಮನ ನುಡಿಯನು ಕಲಿಯೋಣ

ಉ ಊ ಋ ಬರೆಯೋಣ
ಊರಿನ ನುಡಿಯನು ಕಲಿಯೋಣ

ಎ ಏ ಐ ಬರೆಯೋಣ
ಎಲ್ಲರ ಜೊತೆಯಲಿ ಕಲಿಯೋಣ

ಒ ಓ ಔ ಬರೆಯೋಣ
ಓಡಾಡುತ ನಾವು ಕಲಿಯೋಣ

ಅಂ ಅಃ ಬರೆಯೋಣ
ಅಂದದ ಅಕ್ಷರ ಕಲಿಯೋಣ

ಮುಂದಿನ ಅಕ್ಷರ ಚಂದದಿ ಕಲಿಯುತ

ಮುಂದಕೆ ನಾವು ಸಾಗೋಣ

ಕನ್ನಡ ನಾಡಲಿ ಕನ್ನಡ ಬಳಸುತ

ನಮ್ಮಯ ನಾಡನು ಕಟ್ಟೋಣ

ನಾವೆಲ್ಲರು ಒಟ್ಟಿಗೆ ಬಾಳೋಣ

ರಾಷ್ಟ್ರೀಯ ಶಿಕ್ಷಕರ ದಿನಾಚರಣೆಯಂದು ಶಿಕ್ಷಕ ಸ್ವರಾಕ್ಷರ ಕವನ - ನಮನ

□■○● ಶಿಕ್ಷಕರಿಗೆ ●○■□

ಅಕ್ಷರಗಳನ್ನು ತಿದ್ದಿ ತೀಡಿ ಕಲಿಸಿ 

ಆಶೀರ್ವದಿಸಿ ಕೈ ಹಿಡಿದು ನಡೆಸಿ 

ಇಂದಿನ ನನ್ನಯ

ಈಸ್ಥಿತಿಗೆ ಕಾರಣ ಭೂತರಾದ

ಉರು ಹೊಡಿಸಿ, ಮರೆಯದಂತೆ

ಊಟ ಆಟದ ನಡುವೆ ಪಾಠವ

ಋಷಿ ಮುನಿಗಳ ಯಜ್ಞದಂತೆ

ಎಲ್ಲಾ ವಿಷಯಗಳ ಜೊತೆ ಜೀವನದ

ಏರಿಳಿತ ತಿಳಿಸಿ, ಎಂದೆಂದೂ 

ಐದು ಜನರ ಬಾಳಿಗೆ ಬೆಳಕು 

ಒದಗಿಸಲು ಸಹಾಯ ಮಾಡಲು 

ಓದು ಬರೆಹಗಳನ್ನು ಆಸಕ್ತಿಯಿಂದ 

ಔದಾರ್ಯ ಪೂರ್ವಕವಾಗಿ ಮನದ

ಅಂಗಳದಲ್ಲಿ ಇಳಿಸಿದ ಎಲ್ಲಾ ಶಿಕ್ಷಕರಿಗೆ ವಂದನೆ. 

@✍🏻 ಉ.ವೇಣುಗೋಪಾಲ್

https://t.me/spn3187/44285

ಅ-ಅಃ (ನಮ್ಮ ಭಾಷೆ ಕನ್ನಡ)

ಅ - ಅಮ್ಮನಿಂದ ಕಲಿತ ಭಾಷೆ ಕನ್ನಡ
ಆ - ಆರಾಧಿಸೋ ಮೊದಲ ಭಾಷೆ ಕನ್ನಡ
ಇ - ಇಷ್ಟಪಟ್ಟು ಕಲಿಯೋ ಭಾಷೆ ಕನ್ನಡ
ಈ - ಈಶ್ವರನೊಪ್ಪುವ ಭಾಷೆ ಕನ್ನಡ
ಉ - ಉನ್ಮಾದ ನೀಡುವ ಭಾಷೆ ಕನ್ನಡ
ಊ - ಊಟ ನೀಡುವ ಭಾಷೆ ಕನ್ನಡ
ಋ - ಋಣವ ತೀರಿಸಲಾಗದ ಭಾಷೆ ಕನ್ನಡ
ಎ - ಎದೆಯಲ್ಲಿ ತುಂಬಿರುವ ಭಾಷೆ ಕನ್ನಡ
ಏ - ಏದುಸಿರಲ್ಲೂ ಬೆರೆತಿರೋ ಭಾಷೆ ಕನ್ನಡ
ಐ - ಐಕ್ಯತೆಯ ಮೂಲ ಭಾಷೆ ಕನ್ನಡ
ಒ - ಒಲವಿನ ಭಾವನೆಗಳ ಭಾಷೆ ಕನ್ನಡ
ಓ - ಓಲೈಸುವ ಮಧುರ ಭಾಷೆ ಕನ್ನಡ
ಔ - ಔದಾರ್ಯಕೆ ಹೆಸರಾದ ಭಾಷೆ ಕನ್ನಡ
ಅಂ - ಅಂಧಕಾರವ ತೊರೆವ ಭಾಷೆ ಕನ್ನಡ
ಅಃ - ಅಹಂ ಅಡಗಿಸೋ ಭಾಷೆ ಕನ್ನಡ

ಕ - ಕನಸಲ್ಲೂ ಕನವರಿಸೋ ಭಾಷೆ ಕನ್ನಡ
ಖ - ಖಗಮೃಗಗಳಿಗೂ ಅರಿಯೋ ಭಾಷೆ ಕನ್ನಡ
ಗ - ಗಾನಗಾರುಡಿಗರ ಭಾಷೆ ಕನ್ನಡ
ಘ - ಘನವೆತ್ತ ಗಂಭೀರ ಭಾಷೆ ಕನ್ನಡ
ಙ - ನ್ಯಾಸ ವಿನ್ಯಾಸದ ಭಾಷೆ ಕನ್ನಡ

ಚ - ಚರಿತ್ರೆಯ ಪುಟಗಳಲ್ಲಿರುವ ಭಾಷೆ ಕನ್ನಡ
ಛ - ಛಿದ್ರಿತ ಮನಗಳ ಬೆಸೆಯೋ ಭಾಷೆ ಕನ್ನಡ
ಜ - ಜಗದಗಲದ ಮೊದಲ ಭಾಷೆ ಕನ್ನಡ
ಝ - ಝರಿತೊರೆಯಲ್ಲಿ ಬೆರೆತ ಭಾಷೆ ಕನ್ನಡ
ಞ - ಜ್ಞಾನ ಸಂಪತ್ತಿನ ಭಾಷೆ ಕನ್ನಡ

ಟ - ಟಗರ ಪೊಗರಿನ ಭಾಷೆ ಕನ್ನಡ
ಠ - ಠಂಕಸಾಲೆಯಲೂ ಸೇರಿದ ಭಾಷೆ ಕನ್ನಡ
ಡ - ಡಮರುಗ ಸದ್ದಲ್ಲೂ ಕೇಳುವ ಭಾಷೆ ಕನ್ನಡ
ಢ - ಢಂಗೂರ ಸಾರಿ ಹೇಳುವ ಭಾಷೆ ಕನ್ನಡ
ಣ - ಮರಣದಲ್ಲೂ ಜೊತೆಯಾಗೋ ಭಾಷೆ ಕನ್ನಡ

ತ - ತನುವಿನೊಳಗಡಗಿರುವ ಭಾಷೆ ಕನ್ನಡ
ಥ - ಥಕಥೈ ಕುಣಿಸುವ ಭಾಷೆ ಕನ್ನಡ
ದ - ಧಾರಾಳ ಮನಸಿನ ಭಾಷೆ ಕನ್ನಡ
ಧ - ಧರೆಯಿರೊವರೆಗೂ ಉಳಿಯೋ ಭಾಷೆ ಕನ್ನಡ
ನ - ನೈದಿಲೆಯೂ ನಾಚುವಂತ ಭಾಷೆ ಕನ್ನಡ

ಪ - ಪರಿಪರಿಯಾಗಿ ಮುದ್ರಿತ ಭಾಷೆ ಕನ್ನಡ
ಫ - ಫಲವೆತ್ತ ಸಮೃದ್ಧ ಭಾಷೆ ಕನ್ನಡ
ಬ - ಬಣ್ಣಿಸಲಸದಳ ಭಾಷೆ ಕನ್ನಡ
ಭ - ಭರ್ಜರಿ ಗಾಂಭೀರ್ಯ ಭಾಷೆ ಕನ್ನಡ
ಮ - ಮನಮನೆಗಳ ತಣಿಸೋ ಭಾಷೆ ಕನ್ನಡ

ಯ - ಯಮನಿಂದಲೂ ಕಾಪಾಡಬಲ್ಲ ಭಾಷೆ ಕನ್ನಡ
ರ - ರತ್ನನೌಕೆಯಲಿ ಸಾಗಿಬಂದ ಭಾಷೆ ಕನ್ನಡ
ಲ - ಲವಲವಿಕೆಗೆ ಮೂಲಭಾಷೆ ಕನ್ನಡ
ವ - ವಚನಾಮೃತಸಾರ ತಿಳಿಸೋ ಭಾಷೆ ಕನ್ನಡ
ಶ - ಶಯ್ಯೆಯಲ್ಲೂ ನೆನೆಯೋ ಭಾಷೆ ಕನ್ನಡ
ಷ - ಷಡ್ವರ್ಗಗಳ ಪಳಗಿಸೊ ಭಾಷೆ ಕನ್ನಡ
ಸ - ಸರಿಗಮಗಳ ಸೆಲೆಯ ಭಾಷೆ ಕನ್ನಡ
ಹ - ಹಳತು ಹೊಸತಿನ ಸಂಗಮ ಭಾಷೆ ಕನ್ನಡ
ಳ - ನಳನಳಿಸೋ ದೀಪಭಾಷೆ ಕನ್ನಡ

ಕನ್ನಡವೇ ಸತ್ಯ, ಕನ್ನಡವೇ ನಿತ್ಯ