ರೈತರಿಗೆ ಮನವಿ

ರೈತ ಬಾಂಧವರೇ, ಅಣ್ಣ ತಮ್ಮಂದಿರೇ, 

ಭಾರತದ ಬೆನ್ನೆಲೆಲು ನೀವು, 

ನೇಣಿಗೆ ಕೊರಳ ನೀಡದಿರಿ, 

ಓ ನಮ್ಮ ಅನ್ನದಾತರೇ, 

ಓ ನಮ್ಮ ರೈತರೇ

ಭೂತಾಯ ನಮಿಸಿ, ಬೆವರನ್ನು ಸುರಿಸಿ, 

ನೀರನ್ನು ಹರಿಸಿ, ಬೆಳೆಯನ್ನು ಬೆಳೆಸಿ, 

ಹಸಿವನ್ನು ನೀಗಿಸಿದ ಅನ್ನದಾತರೇ, 

ಸಾವಿಗೆ ಶರಣಾಗದಿರಿ, 

ಓ ನಮ್ಮ ರೈತರೇ,

ಈ ಮಣ್ಣಲ್ಲೇ ಹುಟ್ಟಿ, ಈ ಮಣ್ಣಲ್ಲೇ ಬೆಳೆದು, 

ಮನುಕುಲಕೆ ಅನ್ನವ ನೀಡಿದ, 

ಅನ್ನದಾತರೇ, ಬದುಕ ಕೊನೆಗಾಣಿಸದಿರಿ, 

ಓ ನಮ್ಮ ರೈತರೇ,

ಬಿಸಿಲಲ್ಲಿ ಬೆಂದು, ಮಳೆಯಲ್ಲಿ ನೆಂದು, 

ಕೆಸರಲ್ಲಿ ಮಿಂದು, ಬೆಳೆಯನ್ನು ತಂದು, 

ನಮ್ಮೊಂದಿಗೆ ಬೆರೆತು, ಕಷ್ಟ ಮರೆತು, 

ಸುಗ್ಗಿ ಹಾಡು ಹಾಡಿ, ಹುಗ್ಗಿ ಊಟ ಮಾಡಿ 

ನಲಿಯೋಣ ಅನ್ನದಾತರೇ, 

ಓ ನಮ್ಮ ರೈತರೇ

ಕೃಪೆ : @ಮಂಗಳಾ ಕಬ್ಬರ, ಹುಬ್ಬಳ್ಳಿ