ನಾಗರ ಹಾವೆ

 ನಾಗರ ಹಾವೆ ಹಾವೊಳು ಹೂವೆ ! ?
 ಬಾಗಿಲ ಬಿಲದಲಿ ನಿನ್ನಯ ಠಾವೆ
 ಕೈಗಳ ಮುಗಿವೆ ಹಾಲನ್ನೀವೆ
 ಬಾ ಬಾ ಬಾ , ಬಾ ಬಾ ಬಾ ||೧ ||

 ಹಳದಿಯ ಹೆಡೆಯನು ಬಿಚ್ಚೋ ಬೇಗ,
 ಕೊಳಲನ್ನೂದುವೆ ಲಾಲಿಸು ರಾಗ,
 ಹೊಳಹಿನ ಹೊಂದಲೆ ತೂಗೋ ನಾಗ,
 ನೀ ನೀ ನೀ, ನೀ ನೀ ನೀ ||೨||

 ಎಲೆ ನಾಗಣ್ಣ ಹೇಳೆಲೊ ನಿನ್ನ ,
 ತಲೆಯಲಿ ರನ್ನ ವಿಹುದನ್ನ ,
 ಕಾಯುತಲಿರುವೆ ಕೊಪ್ಪರಿಗೆಯ ಚಿನ್ನ,
 ತಾ ತಾ ತಾ, ತಾ ತಾ ತಾ , ||೩||

 ಬರಿಮೈ ತಣ್ಣಗೆ ಮನದಲಿ ಬಿಸಿ ಹಗೆ,
 ಎರಡೆಳೆ ನಾಲಗೆ ಇದ್ದರು ಸುಮ್ಮಗೆ,
 ಎರಗುವೆ ನಿನಗೆ ಈಗಲೆ ಹೊರಗೆ ,
 ಪೋ ಪೋ ಪೋ, ಪೋ ಪೋ ಪೋ, ||೪||

• ರಚನೆ : ಪಂಜೆ ಮಂಗೇಶರಾಯರು