ಅಮ್ಮ ನೀನು ನಮಗಾಗಿ

ಚಿತ್ರ             : ಕೆರಳಿದ ಸಿಂಹ

ಹಾಡು          : ಅಮ್ಮ ನೀನು ನಮಗಾಗಿ ಸಾವಿರ ವರುಷ ಸುಖವಾಗಿ

ಹಾಡಿದವರು  : ಡಾ।। ರಾಜ್ ಕುಮಾರ್, ಪಿ.ಬಿ.ಶ್ರೀನಿವಾಸ್
ಸಾಹಿತ್ಯ       : ಚಿ. ಉದಯಶಂಕರ್
ಸಂಗೀತ       : ಸತ್ಯಂ

ಈ ಹಾಡನ್ನ ಇಲ್ಲಿ ನೋಡಿ: 

 https://www.youtube.com/watch?v=lwhGFiL5EXI

ಅಮ್ಮ ನೀನು ನಮಗಾಗಿ ಸಾವಿರ ವರುಷ ಸುಖವಾಗಿ
ಬಾಳಲೆ ಬೇಕು ಈ ಮನೆ ಬೆಳಕಾಗಿ... -||ಅಮ್ಮ ನೀನು ನಮಗಾಗಿ..||-

ಬಾಡದ ತಾವರೆ ಹೂವಿನ ಹಾಗೆ... ಎಂದಿಗೂ ಆರದ ಜ್ಯೋತಿಯ ಹಾಗೆ...
ಗೋಪುರವೇರಿದ ಕಲಶದ ಹಾಗೆ... ಆ ಧೃವ ತಾರೆಯೇ ನಾಚುವ ಹಾಗೆ...
ಜೊತೆಯಲಿ ಎಂದೆಂದೂ ನೀನಿರಬೇಕು... ಬೇರೆ ಏನು ಬೇಡೆವು ನಾವು... -||ಅಮ್ಮ ನೀನು ನಮಗಾಗಿ..||-

ಸಂಜೆಯ ಗಾಳಿಯ ತಂಪಿನ ಹಾಗೆ... ಮಲ್ಲಿಗೆ ಹೂವಿನ ಕಂಪಿನ ಹಾಗೆ...
ಜೀವವ ತುಂಬುವ ಉಸಿರಿನ ಹಾಗೆ... ನಮ್ಮನು ಸೇರಿ ಎಂದಿಗೂ ಹೀಗೆ...
ನಗುತಲಿ ಒಂದಾಗಿ ನೀನಿರಬೇಕು... ನಿನ್ನ ನೆರಳಲಿ ನಾವಿರಬೇಕು... -||ಅಮ್ಮ ನೀನು ನಮಗಾಗಿ..||-

ಸಾವಿರ ನದಿಗಳು ಸೇರಿದರೇನು.. ಸಾಗರಕೆ ಸಮನಾಗುವುದೇನು...
ಶತಕೋಟಿ ದೇವರು ಹರಸಿದರೇನು... ಅಮ್ಮನ ಹರಕೆಗೆ ಸರಿಸಾಟಿಯೇ..ಎ...ನು...
ತಾಯಿಗೆ ಆನಂದ ತಂದರೆ ಸಾಕು.. ಬೇರೆ ಪೂಜೆ ಏತಕೆ ಬೇಕು... -||ಅಮ್ಮ ನೀನು ನಮಗಾಗಿ..||-

                                                                                                                         ಕೃಪೆ : ವಿನಯ್ ...

ಹೆಸರುಕಾಳು ಮಸಾಲಾ

ಮೂವರಿಗೆ ಬಡಿಸಬಹುದು
*ಸಿದ್ಧತೆಗೆ ತಗುಲುವ ಸಮಯ - 10 ನಿಮಿಷ
*ಅಡುಗೆಗೆ ತಗುಲುವ ಸಮಯ - 20 ನಿಮಿಷ

ನಿಮಗೆ ಬೇಕಾದ ಪದಾರ್ಥಗಳು
*ಹೆಸರು ಕಾಳು - 1 ಕಪ್
*ಟೊಮೇಟೊ - 1 (ಕತ್ತರಿಸಿದಂತಹುದು)
*ಈರುಳ್ಳಿ -2 (ಕತ್ತರಿಸಿದಂತಹುದು)
*ಶುಂಠಿ ಬೆಳ್ಳುಳ್ಳಿ ಪೇಸ್ಟ್ - 2 ಟೀ. ಚಮಚ
*ಬೆಳ್ಳುಳ್ಳಿ -6-7 ತುಂಡು
*ಹಸಿಮೆಣಸಿನ ಕಾಯಿ- 3-4 (ಕತ್ತರಿಸಿದಂತಹುದು)
*ಲವಂಗ - 3
*ಖಾರದ ಪುಡಿ - 1 ಟೀ.ಚಮಚ
*ಅರಿಶಿಣ ಪುಡಿ - 1 ಟೀ.ಚಮಚ
*ಎಣ್ಣೆ - 3-4 ಟೀ. ಚಮಚ
ಉಪ್ಪು - ರುಚಿಗೆ ತಕ್ಕಷ್ಟು

ವಿಧಾನ
1. ಹೆಸರು ಕಾಳುಗಳನ್ನು ಚೆನ್ನಾಗಿ ನೀರಿನಲ್ಲಿ ತೊಳೆಯಿರಿ ಮತ್ತು 2-3 ವಿಷಲ್ ಬರುವವರೆಗು ಕುಕ್ಕರಿನಲ್ಲಿ ಬೇಯಿಸಿ.
2. ತವಾ ತೆಗೆದುಕೊಳ್ಳಿ, ಮತ್ತು ಅದರಲ್ಲಿ ಎಣ್ಣೆಯನ್ನು ಹಾಕಿ. ಇದಕ್ಕೆ ಲವಂಗವನ್ನು ಹಾಕಿ, ಉರಿಯಿರಿ. ಇದನ್ನು ಹುರಿಯುವಾಗ ಸುವಾಸನೆಯ ಪರಿಮಳ ಬರಬೇಕು.
3. ಈಗ ಇದಕ್ಕೆ ಈರುಳ್ಳಿ, ಶುಂಠಿ, ಬೆಳ್ಳುಳ್ಳಿ ಪೇಸ್ಟ್, ಬೆಳ್ಳುಳ್ಳಿ ಮತ್ತು ಹಸಿ ಮೆಣಸಿನ ಕಾಯಿಗಳನ್ನು ಹಾಕಿ. ಈರುಳ್ಳಿ ಹೊಂಬಣ್ಣಕ್ಕೆ ಬರುವವರೆಗು ಇದನ್ನು ಚೆನ್ನಾಗಿ ಕಲೆಸಿಕೊಡಿ.
4. ನಂತರ ಇದಕ್ಕೆ ಟೊಮೇಟೊ ಹಾಕಿ,5 ನಿಮಿಷಗಳ ಕಾಲ ಬೇಯಿಸಿ.
5. ನಂತರ, ಇದಕ್ಕೆ ಬೇಯಿಸಿದ ಹೆಸರು ಕಾಳುಗಳನ್ನು ಹಾಕಿ. ಖಾರದ ಪುಡಿ, ಅರಿಶಿಣ ಪುಡಿ ಮತ್ತು ಉಪ್ಪನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
6. ಈ ಹೆಸರು ಕಾಳು ದಾಲ್ ಮಾಡಲು ನೀವು ನೀರನ್ನು ಸರಿಯಾಗಿ ಹಾಕಬೇಕಾಗುತ್ತದೆ. ಹಾಗಾಗಿ 3 ಕಪ್ ನೀರನ್ನು ಈ ಮಿಶ್ರಣಕ್ಕೆ ಹಾಕಿ. ಅತ್ತ ನೀರು ಅಲ್ಲದ-ಇತ್ತ ಗಟ್ಟಿಯು ಅಲ್ಲದ ಗ್ರೇವಿಯಾಗುವವರೆಗೆ ಇದನ್ನು ಬೇಯಿಸಿ. ಈಗ ನಿಮ್ಮ ಮುಂದೆ ಖಾರವಾಗಿರುವ ಹೆಸರು ಕಾಳು ಮಸಾಲೆಯು ತಯಾರಾಗಿದೆ. ಇದರ ಮೇಲೆ ಕೊತ್ತಂಬರಿ ಸೊಪ್ಪನ್ನು ಅಲಂಕಾರಕ್ಕೆಂದು ಹಾಕಿ.

ಪೋಷಕಾಂಶಗಳ ಪ್ರಮಾಣ
* ಹೆಸರು ಕಾಳುಗಳು ರಕ್ತದೊತ್ತಡ ಕಡಿಮೆ ಮಾಡಲು ಒಳ್ಳೆಯದು. ಒಂದು ವೇಳೆ ನಿಮಗೆ ಅಧಿಕ ರಕ್ತದೊತ್ತಡವಿದ್ದಲ್ಲಿ, ಹೆಸರು ಕಾಳುಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸುವುದನ್ನು ಮರೆಯಬೇಡಿ. ಏಕೆಂದರೆ ಹೆಸರು ಕಾಳುಗಳು ನಿಮ್ಮ ಪಾಲಿಗೆ ಆಪದ್ಭಾಂಧವನಾಗುವ ಸಾಧ್ಯತೆಗಳು ಹೆಚ್ಚಾಗಿರುತ್ತವೆ.
* ದ್ವಿದಳ ಧಾನ್ಯಗಳು ಪ್ರೋಟಿನ್‍ಗಳ ಸಮೃದ್ಧ ಕಣಜವಾಗಿರುತ್ತವೆ. ಈ ದ್ವಿದಳ ಧಾನ್ಯಗಳು ನಿಮ್ಮ ಡಯಟ್‍ನಲ್ಲಿ ಸಮತೋಲನವನ್ನು ಕಾಯ್ದುಕೊಳ್ಳುತ್ತವೆ.

ಸಲಹೆಗಳು
*ಈರುಳ್ಳಿಗಳನ್ನು ಬೇಗ ಹೊಂಬಣ್ಣಕ್ಕೆ ತಿರುಗಿಸಲು ಅದಕ್ಕೆ ಉಪ್ಪನ್ನು ಹಾಕಿ.
*ಒಂದು ವೇಳೆ ನೀವು ಮಸಾಲೆ ಪ್ರಿಯರಾಗಿದ್ದಲ್ಲಿ, ನೀವು ಈ ಹೆಸರು ಕಾಳು ಗ್ರೇವಿಗೆ ಚಕ್ಕೆ ಮತ್ತು ಶುಂಠಿಗಳನ್ನು ಸಹ ಹಾಕಬಹುದು.

       ಹೆಸರು ಕಾಳು ಮಸಾಲೆಯು ನಮ್ಮ ದೇಶದಲ್ಲಿ ಭಾರೀ ಜನಪ್ರಿಯವಾಗಿರುವ ರೆಸಿಪಿಯಾಗಿದೆ. ಇದನ್ನು ಚಪಾತಿಗೆ ಮಾಡಿಕೊಂಡು ತಿನ್ನಲು ದಕ್ಷಿಣ ಮತ್ತು ಉತ್ತರ ಭಾರತೀಯರಿಬ್ಬರೂ ಸಹ ಇಷ್ಟಪಡುತ್ತಾರೆ. ಅದರಲ್ಲೂ ಬೆಂಗಳೂರು ಮುಂತಾದ ಕರ್ನಾಟಕದ ಕೆಲವು ಭಾಗಗಳಲ್ಲಿ ಇದನ್ನು ರಾಗಿ ಮುದ್ದೆಯ ಜೊತೆಗೆ ಹೆಸರು ಕಾಳು ಮಸಾಲೆ ಮಾಡಿಕೊಂಡು ತಿನ್ನಲು ಸಹ ಜನ ಇಷ್ಟಪಡುತ್ತಾರೆ. ಉತ್ತರ ಭಾರತದಲ್ಲಿ ಇದನ್ನು ಹಸಿರು ಮೂಂಗ್ ದಾಲ್ ಎಂದು ಕರೆಯುತ್ತಾರೆ.

       ನೀವು ಅದೇ ಹಳೆಯ ಮಾದರಿಯ ಬೇಳೆ ಸಾರುಗಳನ್ನು ಮಾಡಿಕೊಂಡು ಕಾಲ ಕಳೆಯುತ್ತಿದ್ದಲ್ಲಿ, ನಾವು ಹೇಳುತ್ತಿರುವ ಈ ಹೆಸರು ಕಾಳು ರೆಸಿಪಿಯನ್ನು ಒಮ್ಮೆ ಪ್ರಯತ್ನಿಸಿ ನೋಡಿ. ಇದರಲ್ಲಿ ಹಾಕಿರುವ ಮಸಾಲೆಗಳಿಂದಾಗಿ ಇದು ರೋಟಿ, ದೋಸೆ, ಅನ್ನ ಮತ್ತು ಮುದ್ದೆ ಹೀಗೆ ಎಲ್ಲದರ ಜೊತೆಯಲ್ಲು ಇದನ್ನು ಸೇವಿಸಬಹುದಾದ ಗ್ರೇವಿಯನ್ನಾಗಿಸಿದೆ.

      ಇದರ ಹೆಚ್ಚುಗಾರಿಕೆಯೆಂದರೆ ಇದನ್ನು ಸುಲಭವಾಗಿ ಮತ್ತು ಶೀಘ್ರವಾಗಿ ತಯಾರಿಸಬಹುದು. ಇದಕ್ಕೆ ಹಾಕಬೇಕಾದ ಮಸಾಲೆಗಳನ್ನು ನೀವು ನಿಮಗೆ ಇಷ್ಟಬಂದ ಹಾಗೆ ಹೆಚ್ಚು ಕಡಿಮೆ ಮಾಡಿಕೊಳ್ಳಬಹುದು. ಬನ್ನಿ ಇನ್ನು ತಡ ಮಾಡದೆ ಹೆಸರು ಕಾಳು ಮಸಾಲೆಯನ್ನು ಮಾಡುವ ಬಗೆಯನ್ನು ತಿಳಿದುಕೊಳ್ಳೋಣ.

ಈರುಳ್ಳಿ ಚಟ್ನಿ

 

ಪ್ರಮಾಣ: 4-5 ಜನರಿಗೆ ಬಡಿಸಬಹುದು. 

ತಯಾರಿಕೆಗೆ ತಗುಲುವ ಸಮಯ : 10 ನಿಮಿಷಗಳು 

ಅಡುಗೆಗೆ ತಗುಲುವ ಸಮಯ: 10 ನಿಮಿಷಗಳು

 

ನಿಮಗೆ ಬೇಕಾದ ಪದಾರ್ಥಗಳು 

*ಈರುಳ್ಳಿಗಳು - 3 (ಕತ್ತರಿಸಿದಂತಹುದು) 

*ಕೆಂಪು ಒಣ ಮೆಣಸಿನಕಾಯಿಗಳು- 7-8 

*ಹುರಿದ ಕಡಲೆ ಹಿಟ್ಟು - 1 ಟೇ.ಚಮಚ

 *ಹುಣಸೆ ತಿರುಳು - 1 ಟೀ.ಚಮಚ 

*ಉಪ್ಪು ರುಚಿಗೆ ತಕ್ಕಷ್ಟು 

*ಬೆಲ್ಲ - 1 ಟೀ. ಚಮಚ 

*ಎಣ್ಣೆ - 1 ಟೀ. ಚಮಚ

  ಮಾಡುವ ವಿಧಾನ 

 1. ಒಂದು ಪಾತ್ರೆಯಲ್ಲಿ ಸ್ವಲ್ಪ ಎಣ್ಣೆಯನ್ನು ತೆಗೆದುಕೊಂಡು ಅದರಲ್ಲಿ ಕೆಂಪು ಮೆಣಸಿನ ಕಾಯಿಗಳನ್ನು ಸ್ವಲ್ಪ ಸಮಯ ಉರಿಯಿರಿ. 

2. ನಂತರ ಅದಕ್ಕೆ ಈರುಳ್ಳಿ ಚೂರುಗಳನ್ನು ಹಾಕಿ, ಹೊಂಬಣ್ಣಕ್ಕೆ ಬರುವವರೆಗೆ ಉರಿಯಿರಿ. 

3. ಇದಕ್ಕೆ ಹುರಿದ ಕಡಲೆ ಹಿಟ್ಟು, ಉಪ್ಪು, ಹುಣಸೆ ತಿರುಳು ಮತ್ತು ಬೆಲ್ಲವನ್ನು ಹಾಕಿ. 4-5 ನಿಮಿಷಗಳ ಕಾಲ ಮಧ್ಯಮ ಗಾತ್ರದ ಉರಿಯಲ್ಲಿ ಹುರಿಯಿರಿ. ಬೆಲ್ಲವು ಸಂಪೂರ್ಣವಾಗಿ ಕರಗಬೇಕು ಎಂಬುದನ್ನು ಗಮನದಲ್ಲಿಡಿ. ಬಾಯಿಯಲ್ಲಿ ನೀರೂರಿಸುವ ರುಚಿಯಾದ ಈರುಳ್ಳಿ ಚಟ್ನಿ 

 4. ಈಗ ಹುರಿಯನ್ನು ಆರಿಸಿ ಮತ್ತು ಮಿಶ್ರಣವನ್ನು ತಣ್ಣಗಾಗಲು ಬಿಡಿ. 

5. ಈಗ ಮಿಶ್ರಣವನ್ನು ದಪ್ಪನಾದ ಪೇಸ್ಟ್‌ನಂತೆ ಕಲೆಸಿಕೊಳ್ಳಿ. ಇದಕ್ಕೆ ಸ್ವಲ್ಪ ನೀರನ್ನು ಹಾಕಿ. 

6. ಈಗ ಈ ಖಾರವಾದ ಚಟ್ನಿಯನ್ನು ದೋಸೆ ಅಥವಾ ಇಡ್ಲಿಗಳ ಜೊತೆಯಲ್ಲಿ ಬಡಿಸಿ. 

          ಇದು ಇಡ್ಲಿ ಮತ್ತು ದೋಸೆಗಳ ಜೊತೆಯಲ್ಲಿ ಉತ್ತಮವಾಗಿ ಹೊಂದಿಕೊಳ್ಳುತ್ತದೆ. ಪೋಷಕಾಂಶಗಳ ಪ್ರಮಾಣ ಈರುಳ್ಳಿ ಚಟ್ನಿಯಲ್ಲಿ ಕ್ಯಾಲೊರಿಗಳ ಪ್ರಮಾಣ ಕಡಿಮೆಯಿರುತ್ತದೆ. ಈರುಳ್ಳಿಗಳಲ್ಲಿ ವಿಟಮಿನ್ ಸಿ ಪ್ರಮಾಣ ಅಧಿಕವಾಗಿರುತ್ತದೆ. ಇದರ ಜೊತೆಗೆ ಇದರಲ್ಲಿ ಕ್ರೋಮಿಯಂ ರಕ್ತದಲ್ಲಿರುವ ಸಕ್ಕರೆಯ ಪ್ರಮಾಣವನ್ನು ನಿಯಂತ್ರಿಸುತ್ತದೆ. 

ಸಲಹೆ 

ನಿಮಗೆ ಹುಣಸೆ ತಿರುಳು ಇಷ್ಟವಾಗದಿದ್ದಲ್ಲಿ, ನಿಂಬೆ ರಸವನ್ನು ಇದಕ್ಕಾಗಿ ಬಳಸಬಹುದು.

ನೀರು ಬೇಕು ನೀರು

ಗಿಡ ಬೆಳೆಯಲು ಬೇಕು ನೀರು

ಆಗ ಅದು ಬೆಳೆಯುವುದು ಜೋರು

ಅದು ಕೊಡುವುದು ನಮಗೆ ನೆರಳು

ಜೀವಿಗಳಿಗೆಲ್ಲಾ ಬೇಕು ನೀರು

ಅದಕೆ ನೀರು ಅಂದರೆ ದೇವರು

ಮಳೆರಾಯ ಕೊಟ್ಟಾಗ ನೀರು

ಹೊಲದಲ್ಲೆಲ್ಲಾ ಪೈರು

ನೀರು ಇಡುವುದು ನೆಲ ಹಸಿರು

ನೀರೇ ನಮ್ಮ ಉಸಿರು

ನೀರಿದ್ದರೆ ಬಾಯಿ ಮೊಸರು

ನೆಲದಲ್ಲಿರುವುದು ನೀರು

ಅದಕೆ ಹೊಡೆಯುವುದು ಬೋರು

ನೀರು ಸಿಕ್ಕರೆ ಬಾಳು

ಇಲ್ಲದೇ ಹೋದರೆ ಗೋಳು

ಅದಕೆ ನೀರು ಬೇಕು ನೀರು

                                       ಕೃಪೆ ==>  ಋತು. ಮ. ಕೊಪ್ಪ, 8ನೇ ತರಗತಿ,

                                              ತುಂಗಳ ಪ್ರೌಢಶಾಲೆ, ಜಮಖಂಡಿ