ಊಟದ ಆಟ

ಒಂದು ಎರಡು ಬಾಳೆಲೆ ಹರಡು ||
  ಮೂರು ನಾಕು ಅನ್ನ ಹಾಕು ||
  ಐದುಆರು ಬೇಳೆ ಸಾರು ||
  ಏಳು ಎಂಟು ಪಲ್ಯಕೆ ದಂಟು ||
  ಒಂಬತು ಹತ್ತು ಎಲೆ ಮುದಿರೆತ್ತು ||
  ಒಂದರಿಂದ ಹತ್ತು ಹೀಗಿತ್ತು ಊಟದ ಆಟವು ಮುಗಿದಿತ್ತು||
-- ಜಿ.ಪಿ ರಾಜರತ್ನಂ.||

ಸಿಂಹದ ಕುಟುಂಬ ಮತ್ತು ಚಿರತೆಯ ಓಟ

ಇಂದ್ರಕೀಲ ಪರ್ವತ

*ಟಿ.ಎಂ. ಸತೀಶ್

ಅರ್ಜುನನ ದೀರ್ಘಕಾಲ ತಪವನ್ನಾಚರಿಸಿ, ಕಿರಾತರೂಪಿ ಶಿವನೊಂದಿಗೆ ಹೋರಾಡಿ ಪಾಶುಪತಾಸ್ತ್ರವೆಂಬ ದಿವ್ಯ ಅಸ್ತ್ರ ಪಡೆದ ಕಥೆ ನಮ್ಮೆಲ್ಲರಿಗೂ ಗೊತ್ತು. ಅರ್ಜುನ ದ್ವಾಪರದಲ್ಲಿ ತಪವನ್ನಾಚರಿಸಿದ ಆ ದಿವ್ಯಕ್ಷೇತ್ರವೇ ಇಂದ್ರಕೀಲ ಪರ್ವತ.

ಆ ಇಂದ್ರಕೀಲ ಪರ್ವತ ಇರುವುದು ಎಲ್ಲಿ? ಹಲವರು ಹೇಳುವುದು ಈ ಪರ್ವತ ಹಿಮಾಲಯದಲ್ಲಿದೆ ಎಂದು. ಆದರೆ, ಇಲ್ಲಿ ಈ ಪ್ರಶಾಂತಪುಣ್ಯಧಾಮ ಇರುವುದು ಕರ್ನಾಟಕದಲ್ಲಿ ಎಂದು ಕೊಪ್ಪಳದ ಜನ ಹೇಳುತ್ತಾರೆ. ಇದಕ್ಕೆ ಸಾಕಷ್ಟು ಪುರಾವೆಗಳಿವೆ ಎಂದೂ ಪ್ರತಿಪಾದಿಸುತ್ತಾರೆ.

ಕೊಪ್ಪಳ ನಗರದಿಂದ ಹತ್ತು ಕಿಲೋಮೀಟರ್ ದೂರದಲ್ಲಿರುವ ಈ ಬೆಟ್ಟವೇ ಇಂದ್ರಕೀಲ  ಪರ್ವತ. ಇಲ್ಲಿನ ಮಾಲಿ ಮಲ್ಲಪ್ಪನ ಬೆಟ್ಟದಲ್ಲಿ ಬೃಹತ್ ಶಿಲಾಯುಗದ ಶಿಲಾತೊಟ್ಟಿಗಳು (ಡಾಲ್ಮೆನ್ಸ್) ದೊರೆತಿದ್ದು, ಪಾಲ್ಕಿಗುಂಡು ಬೆಟ್ಟದ ನಡುವಿನ ಪ್ರದೇಶ ಪಾಂಡವರ ವಠಾರ ಎಂಬ ಹೆಸರು ಪಡೆದಿರುವುದೇ ಇದಕ್ಕೆ ಸಾಕ್ಷಿ ಎನ್ನುತ್ತಾರೆ.

ಪ್ರಕೃತಿ ರಮಣೀಯವಾದ ಬೆಟ್ಟದಲ್ಲಿ ಹಲವು ಪುಣ್ಯತೀರ್ಥಗಳಿದ್ದು, ಈ ಪ್ರಶಾಂತ ಪ್ರದೇಶವೇ ತಪಸ್ಸಿಗೆ ಸೂಕ್ತವೆಂದು ಮಧ್ಯಮಪಾಂಡವ ಇಲ್ಲಿ ದೀರ್ಘ ಧ್ಯಾನ ನಿರತನಾದನಂತೆ. ಧ್ಯಾನ ಮುಗಿಸಿ ಅರ್ಜುನ ಬೇಟೆಗೆ ಹೊರಟಾಗ, ಭಕ್ತನನ್ನು ಪರೀಕ್ಷಿಸಲು ಪಾರ್ವತಿ ಸಹಿತನಾಗಿ ಬೇಡನ ರೂಪದಲ್ಲಿ ಬಂದ ಪರಶಿವ, ಅರ್ಜುನ ಬಾಣಬಿಟ್ಟ ಮೃಗಕ್ಕೆ ತಾನೂ ಬಾಣ ಬಿಟ್ಟು, ಅದು ತನ್ನ ಬೇಟೆ ಎಂದು ಅರ್ಜುನನೊಂದಿಗೆ ತಗಾದೆ ತೆಗೆದು ಹೋರಾಡುತ್ತಾನೆ.

ನೆಲಕ್ಕುರುಳಿದ ಅರ್ಜುನ ತಾನು ನಿತ್ಯ ಪೂಜಿಸುತ್ತಿದ್ದ ಶಿವಲಿಂಗದ ಬಳಿ ಹೋಗಿ ಬೀಳುತ್ತಾನೆ. ಆಗ ಪಕ್ಕದಲ್ಲಿದ್ದ ಗಿಡದಿಂದ ಮಲ್ಲೆ ಹೂವನ್ನು ಕಿತ್ತು ಅರ್ಜುನ ಲಿಂಗದ ಮೇಲಿಟ್ಟು ಬೇಡನೊಂದಿಗೆ ಹೋರಾಡಲು ತಿರುಗಿದಾಗ ತಾನಿಟ್ಟ ಮಲ್ಲೆ ಪುಷ್ಪ ಬೇಡನ ಮುಡಿಯನ್ನಲಂಕರಿಸಿರುತ್ತದೆ. ಆಗ ಬಂದಿರುವ ಬೇಡ ಸಾಕ್ಷಾತ್ ಶಿವನೆಂದು ತಿಳಿದು ಅರ್ಜುನ ಕ್ಷಮೆ ಬೇಡುತ್ತಾನೆ. ಭಕ್ತನಿಗೆ ಒಲಿದ ಶಿವ ಪಾಶುಪತಾಸ್ತ್ರ ನೀಡುತ್ತಾನೆ.

ಅಂದು ಅರ್ಜುನ ಮಲ್ಲೆ ಹುವಿನಿಂದ ಪೂಜಿಸಿದ ಶಿವಲಿಂಗ ಮಲ್ಲೇಶ್ವರ ಎಂದಾಯಿತು ಎಂಬುದು ಜನರ ನಂಬಿಕೆ. ಇಲ್ಲಿರುವ ಲಿಂಗಕ್ಕೆ ಪೂಜಿಸಿದರೆ ಮಳೆಯಾಗುತ್ತದೆ ಎಂದು ಪ್ರತೀತಿ, ಹೀಗಾಗೇ ಇದಕ್ಕೆ ಮಳೆ ಮಲ್ಲೇಶ್ವರ ಎಂಬ ಹೆಸರು ಬಂದಿದೆ.

ಇಲ್ಲಿ ಮಳೆ ಮಲ್ಲೇಶ್ವರ ದೇವಾಲಯವಿದೆ. ಇಲ್ಲಿರುವ ಕೊಳ ಸದಾ ನೀರಿನಿಂದ ತುಂಬಿರುತ್ತದೆ. ಬರದ ನಾಡು ಕೊಪ್ಪಳದ ಈ ಕೊಳ ಯಾವುದೇ ಕಾಲದಲ್ಲೂ ಬತ್ತದೇ ಇರುವುದು ವಿಶೇಷ

ನುಡಿಮುತ್ತು - 30

• ಜ್ಞಾನವಂತನಾದ ಮಿತ್ರನು ಜೀವನದ ಬಹುದೊಡ್ಡ ವರದಾನ.
• ಬೇರೆಯವರನ್ನು ಆಡಿಕೊಂಡು ನೋಡಿ ನಗುವ ಮೊದಲು, ನಿನ್ನನ್ನು ನೀನು ಆಡಿಕೊಂಡು ನಗು.
• ಸತ್ಯ ಮತ್ತು ನ್ಯಾಯವನ್ನು ಸಮರ್ಥನೆ ಮಾಡಿಕೊಳ್ಳುವುದು ಮನುಷ್ಯನ ಸಭ್ಯತೆ ಹಾಗೂ ಸಜ್ಜನಿಕೆಯ ಒಂದು ಅಂಗ.
• ಸಮುದ್ರದಲ್ಲಿ ಸುರಿದ ಮಳೆ, ಹಸಿವಿಲ್ಲದವನಿಗೆ ನೀಡಿದ ಭೋಜನ, ಧನವಂತನಿಗೆ ಕೊಟ್ಟ ದಾನ, ದರಿದ್ರನಿಗೆ ಬಂದ ಯೌವನ ಇವೆಲ್ಲ ವ್ಯರ್ಥವೇ ಸರಿ.
• ಮನಸ್ಸಿನಲ್ಲಿ ಭಗವಂತನ ಆಲೋಚನೆ, ನುಡಿಯಲ್ಲಿ ಆತನ ಗುಣಗಾನ, ಕ್ರಿಯೆಯಲ್ಲಿ ಪವಿತ್ರ ಕಾಯಕ ಇದೇ ದೈವ ಸಾಕ್ಷಾತ್ಕಾರದ ಮೂಲ.
• ಹುಟ್ಟು - ಸಾವು   ಈ ಎರಡು ಪದಗಳ ಅಕ್ಷರಗಳು ಎರಡಾದರೂ ಈ ಎರಡರ ನಡುವಿನ ಬದುಕು ತುಂಬಾ ನಿಗೂಢ.
• ಪ್ರೀತಿ ಮತ್ತು ಸ್ನೇಹ ಒಂದು ನಾಣ್ಯದ ಎರಡು ಮುಖಗಳು. ಸ್ನೇಹದ ಬಳಿಯಿಂದ ಪ್ರೀತಿ ಮರವಾಗಿ ಬೆಳೆಯುತ್ತದೆ.
• ಬದುಕಿನ ನಿಗೂಢಗಳನ್ನು ಅರಿಯುವ ಮೊದಲು ಮಾನವ ನಿನ್ನನ್ನು ನೀನು ಮೊದಲು ತಿಳಿ.
• ಬದುಕಲು ಸಾವಿರ ಭಾಷೆಗಳಿರಬಹುದು ಆದರೆ ಪ್ರೀತಿಸಲು ಕನ್ನಡವೊಂದೇ ಸಾಕು.---- ಮಂಜು
• ಸಿಂಹಕ್ಕೆ ಮೃಗಗಳು ಅಭಿಷೇಕವನ್ನಾಗಲೀ ಸಂಸ್ಕಾರವನ್ನಾಗಲೀ ಮಾಡುವುದಿಲ್ಲ. ತನ್ನ ಪರಾಕ್ರಮದಿಂದ ತಾನೇ ಸಂಪಾದಿಸಿಕೊಂಡ ಸಂಪತ್ತುಳ್ಳ ಅದಕ್ಕೆ ಮೃಗರಾಜಪದವಿ ತಾನಾಗಿಯೇ ಬರುತ್ತದೆ.----ಹಿತೋಪದೇಶ, ಸುಹೃದ್ಭೇದ
• ಸಿಂಹಕ್ಕೆ ಮೃಗಗಳು ಅಭಿಷೇಕವನ್ನಾಗಲೀ ಸಂಸ್ಕಾರವನ್ನಾಗಲೀ ಮಾಡುವುದಿಲ್ಲ. ತನ್ನ ಪರಾಕ್ರಮದಿಂದ ತಾನೇ ಸಂಪಾದಿಸಿಕೊಂಡ ಸಂಪತ್ತುಳ್ಳ ಅದಕ್ಕೆ ಮೃಗರಾಜಪದವಿ ತಾನಾಗಿಯೇ ಬರುತ್ತದೆ.----ಹಿತೋಪದೇಶ, ಸುಹೃದ್ಭೇದ
• ಜೀವನ ಒಂದು ನಾಟಕವಿದ್ದಂತೆ. ಆದರಿಲ್ಲಿ ವಿಶ್ರಮಿಸಲು ಸೈಡ್ ವಿಂಗ್ ಗಳಿಲ್ಲ — ಟಿ.ಪಿ.ಕೈಲಾಸಂ
• ಆಳುವಾಗ ಒಂಟಿಯಾಗಿ ಆಳು, ನಗುವಾಗ ಎಲ್ಲರೊಡನೆ ನಗು. — ಥಾಮಸ್