ಹಬ್ಬದ ಸಾಲು

ಶ್ರಾವಣ ಮಾಸವು

ಬಂದಿತು ಎಂದರೆ

ಬರುವುದು ಹಬ್ಬದ ಸಾಲು,
ಉಣುವುದು ಉಡುವುದು

ಸಂಭ್ರಮ ಪಡುವುದು

ಹರುಷವೆ ಎಲ್ಲರ ಪಾಲು

ಮೊದಲು ಬರುವದು

ನಾಗರ ಚವುತಿ

ಹಾವಿಗೆ ಹಾಲೆರೆಯುವರು,

ವಿಷ ಜಂತುವಿಗೂ

ಸಿಹಿ ನೀಡುತಲಿ

ಪ್ರಾಣಿ ಪ್ರೀತಿ ತೋರುವರು

ನಂತರ ಬರುವಳು

ವರ ಮಹಾಲಕುಮಿ

ಸಿರಿ ಸಂಪದದ ಅರಸಿ,

ರಕ್ಷಾ ಬಂಧನವು

ಅಣ್ಣ-ತಂಗಿಯರ

ಪೊರೆವುದು ಬಂಧನ ಬೆಸೆಸಿ.

ಇದೇ ಮಾಸದಲಿ

ಸ್ವಾತಂತ್ರ್ಯದ ದಿನ

ಭಾರತೀಯರ ಹಬ್ಬ,

ತ್ರಿವರ್ಣ ಧ್ವಜವು

ಬಾನಲಿ ಮೆರೆದಿದೆ

ಮೀರಿದೆ ಹರುಷವು ಅಬ್ಬ!

ಕೃಷ್ಣನ ಜನುಮ

ದಿನವು ಬರುವುದು

ಬಹುಳ ಅಷ್ಟಮಿ ದಿವಸ

ಗೀತೆಯ ಸಾರಿ

ಜೀವನ ಧನ್ಯತೆ

ಪಾಠವ ಹೇಳಿದ ಅರಸ.

ಹೀಗೆಯೆ ಶ್ರಾವಣ

ಮಾಸವು ಪೂರ್ತಿ

ಸಂಭ್ರಮ ಪಡುವ ಕಾಲ,

ಭಕುತಿ ಪ್ರೇಮಗಳ

ಭಾವೈಕ್ಯತೆಯನು

ಬೆಳೆಪುದೆ ಇದರ ಮೂಲ

-ಗುರುರಾಜ್ ಬೆಣಕಲ್

ರಾಮಯಾಣದ ಸ್ವಾರಸ್ಯ ಸಂಗತಿಗಳು 10

ಸೀತೆಗಾಗಿ ಇಂದ್ರ ಪಾಯಸ ತಂದಿದ್ದ

        ಸೀತೆ ರಾವಣನ ಅಶೋಕ ವನದಲ್ಲಿದ್ದಾಗ ಅಲ್ಲಿಗೆ ಹೊರಗಿನಿಂದ ಹೋದವನು ಹನುಮಂತ ಮಾತ್ರ ಎಂದು ನಾವೆಲ್ಲ ಅಂದುಕೊಂಡಿದ್ದೇವೆ. ಆದರೆ, ಅದಕ್ಕೂ ಮೊದಲೇ ಇಂದ್ರ ಅಲ್ಲಿಗೆ ಹೋಗಿದ್ದ. ಸೀತೆಯ ಅಪಹರಣ ಮಾಡಿ ರಾವಣ ಅವಳನ್ನು ಅಶೋಕ ವನಕ್ಕೆ ತೆಗೆದುಕೊಂಡು ಹೋದ ಸುದ್ದಿ ಬ್ರಹ್ಮನಿಗೆ ಗೊತ್ತಾಯಿತು. ಅವನು ಬಹಳ ಬೇಸರಗೊಂಡ. ಸೀತೆಗೆ ಸಂತೋಷವಾಗಲಿ ಎಂದು ಇಂದ್ರನ ಬಳಿ ಪಾಯಸ ಕೊಟ್ಟು ಕಳಿಸಿದ. ಇಂದ್ರ ಅದನ್ನು ತೆಗೆದುಕೊಂಡು ಬಂದು, ತನ್ನ ಮಂತ್ರಶಕ್ತಿಯಿಂದ ಎಲ್ಲಾ ರಾಕ್ಷಸರಿಗೂ ನಿದ್ದೆ ಬರಿಸಿ, ನಂತರ ಸೀತೆಗೆ ಪಾಯಸ ಕೊಟ್ಟಿದ್ದ.      ಕೃಪೆ : ಕೆ.ಟಿ.ಆರ್

ಬೆಳೆದ ಭೂಪ - ಸತ್ತ ಪಾಪ

ಬದುಕಿಸುತ್ತೆ / ಸಾಯಿಸುತ್ತೆ

ಮಗುವಿನ ನಗು ಸತ್ತವರನ್ನು ಬದುಕಿಸುತ್ತೆ ||ವಾ..ವಾ..||

ಮಗುವಿನ ನಗು ಸತ್ತವರನ್ನು ಬದುಕಿಸುತ್ತೆ ||ವಾ..ವಾ..||

..

ಕಾಲೇಜ್ ಕನ್ಯೆಯ ನಗು ಬದುಕಿರುವವರನ್ನೂ ಸಾಯಿಸುತ್ತೆ