ಅ-ಅಃ & ಕ-ಹ ವರೆಗಿನ ಹೆಂಡತಿಯ ಬಗ್ಗೆ

ಅ - ಅಂದದ ಹೆಂಡತಿಯನ್ನು ಅನುಮಾನಿಸಬೇಡಿ.

ಆ - ಆರಾದಿಸಿ ಆದರೆ ಅಳಿಸಬೇಡಿ.

ಇ - ಇರುವೆ ನಿನ್ನ ಜೊತೆಎನ್ನಿ, ಇರಬೇಡ ಎನ್ನಬೇಡಿ.

ಉ - ಉದ್ದಾರ ಮಾಡು ನಮ್ಮನ್ನ ಎನ್ನಿ, ಉರುಗುಟ್ಟ ಬೇಡಿ.

ಊ - ಊರಿಗೆ ಹೋಗಿ ಬಾ ಎನ್ನಿ, ಮುಖ ಊದಿಸಬೇಡಿ.

ಋ - ಋಣಾನುಭಂಧ ಬೆಸೆಯಿರಿ, ಋಣ ಹರಿದುಕೊಳ್ಳಬೇಡಿ.

ಎ - ಎಷ್ಟು ಕಷ್ಟಪಡುವೆ ಎನ್ನಿ, ಎಗರಾಡಬೇಡಿ.

ಏ - ಏನಮ್ಮ ಎನ್ನಿ, ಏನೆಲೇ ಎನ್ನಬೇಡಿ.

ಐ - ಐಲು (ಹುಚ್ಚಿ) ಎನ್ನಬೇಡಿ, ಐಲವ್ ಯು ಎನ್ನಿ.

ಒ - ಒಂದೇ ನಾವೆಲ್ಲರೂ ಎನ್ನಿ, ಒದ್ದಾಡಬೇಡಿ.

ಓ - ಓಡಾಡಲು ಬಿಡಿ, ಓಡಿಸಬೇಡಿ.

ಔ - ಔದಾರ್ಯ ತೋರಿಸಿ, ಔಡು ಕಚ್ಚಬೇಡಿ.

ಅಂ - ಅಂಗೀಕರಿಸಿ, ಅಸಡ್ಡೆ ಮಾಡಬೇಡಿ.

ಅಃ - ಅಃ (ಹಾ) ಎನ್ನಿ, ಹಂಗಿಸಬೇಡಿ.


ಕ - ಕನಿಕರಿಸಿ, ಕಂಗೆಡಿಸಬೇಡಿ.

ಖ - ಖಡಕ್ ಆಗಿರಿ, ಖಂಡಿಸಬೇಡಿ.

ಗ - ಗಂಡನಾಗಿರಿ, ಗಡುಸಾಗಿರಬೇಡಿ.

ಘ - ಘರ್ವದಿಂದಿರಿ, ಘರ್ಜಿಸಬೇಡಿ.

ಚ - ಚೆನ್ನಾಗಿ ನೋಡಿಕೊಳ್ಳಿ, ಚಮಚವಾಗಬೇಡಿ.

ಛ - ಛಲದಿಂದ ಬದುಕಿ, ಛರ್ತಿಯಾಗಬೇಡಿ.

ಜ - ಜನುಮದ ಜೋಡಿ ಎನ್ನಿ, ಜಗಳವಾಡಬೇಡಿ.

ಝ - ಝರಿಯಂತೆ (ನೀರು) ಹರಿ ಎನ್ನಿ, ಝಾಡಿಸಬೇಡಿ.

ಟ - ಟೊಮೋಟೊ ತರಹ ಎನ್ನಿ, ಚಟ್ನಿ ಮಾಡಬೇಡಿ.

ಠ - ಠಕ್ಕ ನಾನು ನಿನಗೆ ಎನ್ನಿ, ಠಕ್ಕರಾಗಬೇಡಿ.

ಡ - ಢಮರುಗ ಬಾರಿಸಿ, ಢಕ್ಕೆ ಹೊಡೆಯಬೇಡಿ.

ಢ - ಢಂಬಾಚಾರ ಮಾಡಬೇಡಿ, ಡೋಲಾಯಮಾನರಾಗಬೇಡಿ.

ತ - ತಕ್ಕವಳು ನೀನು ನನಗೆ ಎನ್ನಿ, ತಕ್ಕಡಿಯಲ್ಲಿ ತೂಗಬೇಡಿ.

ಥ - ಥಕ ಥಕ ಕುಣಿಸಬೇಡಿ, ಥರಥರ ನಡುಗಿಸಬೇಡಿ.

ದ - ದಯಾವಂತರಾಗಿ, ದಬಾಯಿಸಬೇಡಿ.

ಧ - ಧನವಂತರಾಗರಿ, ದಾನವಂತರಾಗರಿ ಬಾಳಿ.

ನ - ನಗು ಮುಖರಾಗಿರಿ, ನಗು ನಗುತಾ ಬಾಳಿರಿ.

ಪ - ಪರಿಹಾರ ಹುಡುಕಿ, ಪರಿಶ್ರಮಪಡಿರಿ.

ಫ - ಫಲ ಪುಫ್ಪ ತನ್ನಿರಿ, ಫಲಭರಿತ ಮರವಾಗಿರಿ.

ಬ - ಬದುಕನ್ನು ಆನಂದಿಸಿ, ಬದಲಾಗಬೇಡಿ.

ಭ - ಭವ ಸಾಗರ ಸುಲಭವಾಗಿ ದಾಟಿ, ಭಯ ಬೀಳಬೇಡಿ.

ಮ - ಮಮತೆಯ ಮಕರಂದವಾಗಿ, ಮಮಕಾರ ಬಿಡಬೇಡಿ.

ಯ - ಯಾರಿವನು? ಎನ್ನುವಂತಾಗಿರಿ, ಯಾಮಾರಬೇಡಿ.

ರ - ರಾಮ ರಾಮ ಎನ್ನಿ, ರಾಮಾಯಣ ಮಾಡಬೇಡಿ.

ಲ - ಲವ ಲವಿಕೆಯಿಂದ ಇರಿ, ಲಾವಣಿಗಳನ್ನು ಹಾಡಿ.

ವ - ವಯಸ್ಸಾಯಿತು ಎನ್ನಿ, ವರಾತ ಮಾಡಬೇಡಿ.

ಶ - ಶರಣಾಗುವೆ ಎನ್ನಿ, ಶಹನಾಯಿ ಬಾರಿಸಿ.

ಸ - ಸಹಕಾರಿಯಾಗಿ, ಸಹಬಾಳ್ವ ನಡೆಸಿ.

ಹ - ಹಾಲಾಹಲ ಬಿಟ್ಟು ಹಂಸ ಪಕ್ಷಿಯಂತೆ ಬಾಳಿ.