ಅನಾಮಿಕ ನಾಚಯ್ಯ

ಅಂಕಿತ ನಾಮ: ನಾಚಯ್ಯಪ್ರಿಯ ಚೆನ್ನರಾಮಯ್ಯ

ಕಾಲ: 1160

ದೊರಕಿರುವ ವಚನಗಳು: 5 (ಆಧಾರ: ಸಮಗ್ರ ವಚನ ಸಂಪುಟ)

ತಂದೆ/ತಾಯಿ:

ಹುಟ್ಟಿದ ಸ್ಥಳ: ಮಾರುಡಿಗೆ

ಪರಿಚಯ: ಕಾಲ: ಸು. 1160. ಊರು: ಮಾರುಡಿಗೆ. ವೃತ್ತಿ: ಗಾಣಿಗ. ಅನಾಮಿಕ ಎಂಬ ವಿಶೇಷಣವು ಈತ ಶೂದ್ರನಿರಬಹುದು ಅನ್ನುವುದರ ಸೂಚನೆ ಎಂಬುದು ವಿದ್ವಾಂಸರ ಅಭಿಪ್ರಾಯ. ಈತನ 5 ವಚನಗಳು ದೊರೆತಿವೆ. ಬೆಡಗಿನ ರೂಪದಲ್ಲಿ ತಾತ್ವಿಕ ಚಿಂತನೆಗಳ ಪ್ರಸ್ತಾಪ ಈತನ ವಚನಗಳ ವೈಶಿಷ್ಟ್ಯ, 

 

ಏಕಾಕ್ಷರ ದ್ವ್ಯಕ್ಷರ ತ್ರ್ಯಕ್ಷರ ಪಂಚಾಕ್ಷರ.
ಅಕಾರವೇ ಬೀಜ, ಆಕಾರವೇ ಮೂರ್ತಿ.
ಕಕಾ ಕಿಕೀ ಕುಕೂ ಧಾಂ ಧೀಂ ಧೋಂ zsõ್ಞಂ
ಎಂಬ ಶಬ್ದದೊಳಗೆ ತ್ರೈಜಗವೆಲ್ಲಾ.
ಈ ನಾಮನಷ್ಟವಾದಂಗೆ ನಾಮ ಸೀಮೆಯೆಂಬುದೇನು,
ಅನಾಮಿಕ ನಾಚಯ್ಯಪ್ರಿಯ ಚೆನ್ನರಾಮೇಶ್ವರ? 

 

ಪೂರ್ವಕರ್ಮವ ಕೆಡಸಿದನೆನ್ನ ಗುರು
ಉಭಯ ಕರ್ಮವ ಬಿಡಿಸಿ ತೋರಿದ ಶರಣರ.
ಅವರಿಂದ ಬದುಕಿದೆನು.
ತೋರಿದ ಸದುಭಕ್ತರ;
ಅವರಿಂದ ಬದುಕಿದೆನು.
ನಾಚಯ್ಯಪ್ರಿಯ ಮಲ್ಲಿನಾಥಯ್ಯಾ,
ಗುರುವಿಂದ ಬದುಕಿದೆನು, ನಿಮ್ಮ ಹಂಗೇನು?