ನಾನು

'ನಾನು' ಯಾವತ್ತೂ ಉತ್ತಮ ಪುರುಷ

ನನ್ನೊಳಗಿನ ಎಲ್ಲ ಬೇನೆಗೆ ಮುಖ್ಯ ಕಾರಣ

ಅಹಂ ಶಬ್ದದಷ್ಟೇ ಈ ಶಬ್ದವೂ ಶಬ್ದ ಮಾಡುತ್ತದೆ

ನಾನು ಜಗತ್ತಿಗೆ stick ಆಗಬಾರದೆಂದರೆ, ನಾನು non-stickಆಗಬೇಕು

ನಾಕೇ ನಾಕು ತಂತಿಗಳಲ್ಲಿ ಮೊದಲನೆಯದು

ಇದು pronounಕೂಡ ಹೌದು, noun ಕೂಡ ಹೌದು

ನೀನು ಎನ್ನಲು ಕಾರಣವಾದ ಪ್ರತ್ಯಯ

ನನ್ನನ್ನು ಯಾರೆಂದು ತಿಳಿದಿದ್ದೀ..ಎಂದು ಬೇರೆಯವರನ್ನು ಕೇಳುವ ಮೊದಲು ನಾವೇ ಈ ಪ್ರಶ್ನೆಗೆ ಉತ್ತರ ಕಂಡುಕೊಳ್ಳುವುದು ಉತ್ತಮ

ನಾನು ಮೊದಲು ಬಂದರೆ ಅವನ ಕೊನೆ ಬಂದಿದೆಯೆಂದರ್ಥ

ಹಮ್ಮು ಅಥವಾ ಅಹಮ್ಮು

ನಾನು ಆದ ಮೇಲೆಯೇ ನೀನು, ಡಿಕ್ಷನರಿಯಲ್ಲೂ

ಒಂದೆರಡಲ್ಲ..ನಾನಾ ರೂಪ ಇದರದ್ದು

-ವಿಶ್ವನಾಥ ಸುಂಕಸಾಳ